Inthlanpui neih hun sawn dilna ECI-ah thehlut tawh

Mizoram Assembly inthlanpui neih ni atana December ni 4 ruat leh vote chhiar ni atan December 8 (Pathianni) ruat chu \halo tia a hun sawn tura Pawl hrang hrangin ngenna Election Commission a thehluh tura an thawn chu Election Department chuan Election Commission of India-ah a thawn tawh.

Hemi chungchangah hian Chief Electoral Officer Pu Ashwani Kumar chuan Kohhran hote, Political Party te leh Tlawmngai pawl te ngenna hi ECI-ah a thawn tawh tih a sawi a, hun reilote hnuah ECI chuan an thutlukna siam Mizoram Sorkar an rawn hrilh a beisei thu a sawi bawk. Vote thlak ni leh chhiar hun sawn tura ngenna siamtute hi Mizoram Synod, Mizoram Kohhran Hruaitute Committee (MKHC), Mizoram Peo-ple Forum (MPF), Mizoram Upa Pawl (MUP), United Pentecostal Church of Mizoram (UPC-Mizoram) Central YMA leh Mizoram a Political Party hrang hrangte an ni. CEO chuan Chief Election Commissioner V.S. Sampath leh Election Commission a mi pawimawh ten Mizoram rawn tlawh ngei an tum tih a sawi nawn leh a, an lo zin hun tur erawh chu hriat chian theih a la ni rih lo niin a sawi bawk.