District hrang hranga MCMC tan training neih a ni.

Mizoram Legislative Assembly inthlanpui neih tur atana District hrang hranga Media Certification and Monitoring Committee (MCMC) member-te tan Inrinni khan Aizawl-a MZP Conerence Hall, Treasury Square-ah ni khat awh training buatsaih a ni.

Tarlan tawh \hin angin State Level MCMC hi Jt. CEO kaihhruai niin District Level MCMC hi District Election Officer kaihhruai a ni a. Mimal emaw political party emaw eng pawl pawhin Electronic Media (Cable TV. leh a dangte) kaltlanga Candidate fakna (advertisement) tihchhuah a duh chuan District Level MCMC ah phalna a lak hmasak a ngai a. Political Party fakna erawh chu State Level MCMC ah phalna lak tur a ni. Registered political party-te chuan fakna tihchhuah hma ni thumah phalna an la tur a ni a, unregistered political party-te erawh chuan fakna tihchhuah hma ni sarihah phalna an la tur a ni. MCMC hian TV-a tihchhuah political advertisement chu phalna lak hnua tihchhuah an nih leh nihloh uluk takin a vil reng dawn a. Candidate-te fakna lehkha sem, pamphlet, poster leh leaflet-ah te pawh publisher leh a print-tute hming chiang taka tarlan ngei tur a ni. Chanchinbu-a political advertisement tichhuak turte chuan MCMC phalna an lak a ngai ve lova, an senso erawh chu mimal emaw party expenditure-ah emaw belh a ni ang.
    District Level MCMC in Certification a pek danah lungawilohna nei an awm chuan Jt. CEO kaihhruai State Level MCMC ah an thlen thei anga. State Level-a lungawilo chuan Supreme Court ah lungawilohna hi thlen tur a ni. MCMC hian pawisa chawia news ni awm tak, political paty leh candidate-te ham\hatna tura \an lam neia thuchhuah (paid news) ven hna a thawk dawn a. Paid news hian vote thlaktu tur mipui rilru diklo taka a kaihhruai theih avangin ECI chuan a ngaimawh hle a. Hetianga tichhuak an lo awm a nih chuan Candidate-te senso ah belh tur a ni. MCMC Training hmang tur hian Mizoram district hrang hrang a\angin MCMC lama mawhphurtute an kalkhawm a ni.