Assembly inthlanpui neih tur atan UPC (NEI) in thuchah tichhuak.

UPC (NEI) General Administrative Committee chuan Mizoram Assembly inthlan lo awm turah Kohhran mipuite leh political party-te hnena thuchah an tichhuak a; an thuchah chu ngai pawimawha zâwm turin Kohhrante leh political party-te chu Pathian hmingin an ngen a ni.

UPC (NEI) chuan, inthlan boruakin rawngbawlna kawngah kohhran leh ringtu mimal nun a tichak lo thei tih sawiin, chak loh phah nana hmang lo turin politics lama inhmangte chu fimkhur turin an ngen a; inkhawm leh Kohhran thil tih dangahte inthlahdah lo a, Pathian pâwlna tam tawk neih turin a chah. Party \an lam inan loh vangin Kohhranah pawh inrem lohna awm palh theih avangin, thusawiah leh chetziaahte midang hliam lo tura fimkhur turin an chah a, "Kohhran chhungah leh biak-inah phei chuan politics thil sawi hauh loh ni se," an ti.
    UPC chuan, inthlannaa vote thlak chu khua leh tuite tih tur a nih avangin, vote neite chu ngaihtuahna fîm tak hmanga vote thlak vek turin an chah a; zu leh mipat-hmeichhiatna kawnga nungchang \ha lo leh bawlhhlawh te, mi duhâm leh hlemhle te, kohhran tana hnawksak leh mi thliar hrang takte chu ram rorelnaa tel tlak an ni lo tih sawiin, chutiang mi chu eng party mi pawh ni se, thlan loh ni se, an ti a ni. UPC (NEI) chuan candidate atan Pathian \ih mi, ruihtheih thil leh hlemhletnaa fihlîm, mipat-hmeichhiat kawnga hming hliau lo leh, eng pawl leh eng mi pawh en hrang lo a, an harsatnaa \anpui duh mi thlang chhuak turin political party tinte an ngen bawk. UPC (NEI) hian inthlan tluang taka neih a nih theih nan leh Pathian ruat roreltu \ha thlan chhuah a nih theih nan tualchhung Kohhran tinah November 3, 2013 Pathianni zanah \awng\ai rualna an nei dawn a ni.