Latest News

Faina-ah hmalakna kalpui

Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.

Vawiin ah Sonia Gandhi Mizoram-ah a rawn zin dawn.

UPA Chairperson Sonia Gandhi chuan Vawiin hian lehlangin Aizawl a rawn tlawh dawn a, Rajiv Gandhi Football Ground-a vantlang inkhawm ah thuchah a sawi ang.
Sonia Gandhi lo kal tur chungchangah hian nimin khan Chief Minister Pu Lal Thanhawla leh AICC General Secretary North East bialtu,  Luizinho Faleiro  te chuan Aizawl-ah thuthar lakhawmtute an kawm a, Sonia Gandhi hian Food Security Act leh 4th Phase NLUP a hawng anga, Chhingchhip-a Sainik Welfere School dinna tur lungphum a phum bawk dawn tih an sawi a ni. Luizinho Faleiro chuan UPA Chairperson Sonia Gandhi hian Mualpui-a Rajiv Gandhi Stadium ah mipui hmaa thusawina a neih tur thu a sawi a, thutharlakhawmtute zawhna chhangin Food Security chu bill satliah ni lovin RTI leh thil dang angin mitin dikna leh chanvo (Right) a ni tawh dawn tih a sawi a, hei hian Public Distribution system chu ti buai lovin a ti changtlung zawk dawn tiin hemi chungchangah hian hmarchhak state te harsatna chu a bika ngaihven ani dawn a ni, a ti bawk. Mizorama \halaite tan Mass Employment & Self Employment Mela la huaihawt tum anih thu te, NLUP chu \ha ti tu an tam avangin State dang \henkhatah pawh kalpui tum ve niin a sawi a, Mizoram chu kawng tamtak-a ralmuan kawngah te, inthlan boruak ah leh mipui hmasawnna a state dangte entawn tlak a ni, tiin hmarchhak state te luhka ani thuai tur thu leh sorkar chu Corrution do tu sorkar anih thu te a sawi bawk.

Comments

Popular News (Last 30 Days)