Latest News

Faina-ah hmalakna kalpui

Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.

Stadium puitling 2 sakna tur sum rawn pechhuak

Cheng nuai 2238 chuang hmanga Champhai Zotlang-a Stadium puitling sakna tur leh cheng nuai 2400 chuang senga Lunglei Serkawn-a Stadium sakna tur sum chu tunhnai khan Ministry of Urban Development chuan a pe chhuak.
Hemi chungchangah hian UD&PA Minister Pu Zodintluanga chuan \halaite hi ngaihsak loh an nih fo avangin \halaite hmakhaw ngaih hi a \ul tih hriain Mizoram sorkar chuan \halaite khawvel thar siam a ni ang tih leh district hrang hrangah sports stadium din a ni ang an lo tih \hin chu a takin a lang zel a ni, a ti a, heng project pahnih te hi National Building and Construction Company (NBCC) in a thawk dawn a. Zotlang Sports Stadium hi thla 24 chhunga zawh hman tura ruahman a ni a; Serkawn Sports Stadium hi thla 30 chhunga zawh hman tura ruahman a ni tih sawiin, heng ruahmanna bakah hian tunah hian Serchhip-ah Stadium puitling sak hna thawh mek a ni tih a sawi bawk.
    Pu Zodintluanga chuan Mizo \halaite hian infiamna lamah hma an sawn nasa hle tih sawiin, sorkar pawhin a theihna kawng awm apiangah \halaite tualchaina turin ruahmanna a siam zel a, World Class Sports Infrastructure hmun hrang hrangah din chhoh mek a ni a, heng avang te pawh hian World Class Player nakin lawkah an awm thuai beisei a ni, a ti bawk.

Comments

Popular News (Last 30 Days)