Home Minister Pu R. Lalzirliana chuan nimin khan Multipurpose Centre, Dawrpui Veng-ah Multi-Level Parking, Community Centre and Office Complex sakna tur lungphum a phum.
Hemi puala inkhawm ah Home Minister chuan Sorkarin mipuite mamawhna hria a, hmalam hun thui tak thlir chunga a hmalaknate a taka a hlawhtlinna kan hmu leh ta chu lawmawm a tih thu a sawi a. Ram tana rotling hmunhma \ha neih a pawimawhzia sawiin, \hangtharte hmakhua ngai chunga ram leilung hausakna haichhuah kawngah pawh theihtawp chhuah mek zel a nih thu a sawi a, ram hmasawnna ti\huanawp thei, diklo taka compensation dil \hin te chu kalsan a hun tawh thu sawiin, Sorkar leh khawtlang mipuite tanrualna chuan ram tan rah tha a chhuah ngei tur thu a sawi bawk. He hunah hian bialtu MLA leh Education Minister Pu Lalsawta pawhin Dawrpui khawtlangin mi rethei, chanhaite leh Aizawl khaw pawna mite tana an rawngbawlna chhunzawm zelna kawngah he building hi \angkai taka hman a nih ngei a rin thu a sawi a. Pu JH. Ro\huama, Revenue Minister chuan Dawrpui Veng chu Civil Hospital \huthmun a nih anga chhiatni ah an tlawmngaihna leh inhuamnate fakawm a tih thu sawiin, he an khawtlang inpekna chhawm nun zelna atan leh, ram changkanna in a ken tel, lirthei pung chak zel chhawk zangkhaina atana he Complex sak a ni tur hi lawmawm a tih thu a sawi bawk. He Complex sakna atan hian Ministry of Development for the North East Region a\angin cheng vbc. 12.9826 hmuh a ni a, Restricted Tender kaltlangin a sak hna thawk tur hian M/S Mechfab Engineering Industries Pvt. Ltd., Guwahati chu thlan fel tawh niin, thla 22 chhunga zo fel tura ruahman a ni.
Comments
Post a Comment