Nithum awh tur Anthurium Festival 2013 neih \an a ni.

Tourism Department buatsaih, ni thum awh tur “Anthurium Festival 2013” chu nimin khan Art & Culture Minister, Pu PC. Zoram Sangliana chuan Tourist Resort, Reiek-ah a hawng.

He hunah hian Pu PC. Zoram Sangliana chuan Mizoram Tourism Department-in Anthurium pangpar mawi tak hming chawia he Kut hlimawm tak Mizote tana hun hlimawm lai ber, Favang laia an buatsaih \hin chu lawmawm a tih thu a sawi a. Mizoten kum khat a Kut chi thum kan hman \hin zinga mi nilo mahse, ram dang leh state dang mite hip khawm nan leh, \hangtharte tan Kut thar hmel min buatsaihsak hi kan hlimpui hle a ni, a ti a. Anthurium Kut chu hnam rawngkai leh hnam nun zepui “Mizo Culture” pholan nan leh parchhuahpuina atan hman ani chuan Mizo zawng zawng min kai thova,“A zawngchhang thlak hle a ni,” tiin mipuite chu an awmdan leh Chanchin\ha in mawi a, an nun thianghlim taka vawng chunga he Kut hmang turin duhsakna a hlan a ni.
    He hun hi Pu Vabeiha Hlychho, Director, Tourism Department chuan kaihruaiin, Pi Zosangliani, Deputy Director, Tourism Department hnen a\angin thusawi ngaihthlak a ni bawk. He Kut hawnnaah hian Bangladesh MP, Pu Asaduzzaman Noor leh a nupui, Pi Shaheen Akhter leh Prof. Muntassir Mamoon, Dhaka University leh a nupui, Pi Fatema Mamoon te bakah, state sorkar mi pawimawhte an tel bawk. Anthurium Festival hi Tourism Department huaihawtin kum 2006 a\anga hman \an a ni a, kuminah pawh item hmuhnawm leh benglut tak tak bakah, mipuite tana intihhlimna hrang hrang buatsaih a ni a, kuthnathawkte leh thlai thar zuartuten dawr (stall) hrang hrang sawmnga chuang an hawng bawk a ni.