Naupang hruaibo leh a hruaibotu a hriat te man an ni.

Pathianni zan dar 6:15 vel khan Kawnpui Bangla Veng-a Pu Than\hianga tunu hmeichhe naupang kum 6 vela upa chu Laldinpuii (Mapuii) inti chuan a motor channa hmun a\angin a hruai bo a, nimin chawhma dar 11:00 vel khan Kawnpui leh Bualpui inkarah a naupang rukbo nen hian man a ni.

Thulakna in a tarlan danin Pu Than\hianga te hi an nupa awm an ni a, an tunu Kg. II zirlai hi awmpuiin Pathianni zan hian a hruaibo tunu hi a lo leng lut a, a Pu chu inkhawm angaih avangin a pi chuan ‘I pu inkhawm chhung chu lo han leng ang,’ a ti a, Mapuii inti hian ‘In len dawn tho chuan Motor min lo han chanpui rawh,’ tiin a hruai chhuak ta a, hemi hnu hian an hmu lo zui ta a ni. Hetia naupang motor chanpui tura a hruai hi ke in Kawnpui Bangla Veng a\angin Kolasib lam panin a kal pui a, Kawnpui khaw tawp Hmar Veng-a Pulou dawrah mi \henkhat ten hmuin a kalna erawh an hre zui ta lo a ni.
    Hetianga chin hriatloha an awm an zawn hnu hian nimin chawhma dar 11:00 vel khan Kawnpui leh Bualpui inkarah an pahnih hian man an ni a, thudawn danin Mapuii inti hian a naupang hruai hi Aizawl-ah rawn chhoh puiin Company peng a\angin Vai Motor-ah a chuanlet pui leh a, Kawnpui leh Bualpui inkar thingpui dawrah driver te hi chawlin hetah hian naupang bo zawngtute pawh an awm nual a. Thingpui dawr neitunu hian hmeichhe naupang kum 6 mi chu hmeichhe pakhatin a hruaibo thu a sawi chu hriain driver chuan an motor a chuangte chu en turin a ti a, Naupang zawngtute chuan an man ta nia thudawn a ni. Police in an man hian naupang rubo tu hi Kolasib Jail panpui nghal a ni a, Kawnpui mipuite an thinrim em avangin tam tak chu Kolasib District Jail pan in an tlan thla a, a rubotu hmel hmuh an dil a. A rubotu hi kumtlinglo anih avangin Police-te chuan hmuhtir an phallo a, mipui leh Police an innawr nual niin kan thudawnna chuan a tarlang a, engvanga naupang hi rubo nge tih pawh hriat theih ala ni lo a ni.