Latest News

NH. 54 laihzauh mekah zangnadawmna la tawh In la thiat si lo te thiah sak tan an ni

Image
National Highway-54 laihzauh leh siamthat hna thawh mekah Serchhip District chhunga zangnadawmna la tawh, mahni In la thiat lo te chu nimin Nov. 28, 2023 khan Executive Magistrate te kaihhruaina hnuaiah endik leh niin In la thiat lo te chu thiah sak tan an ni.

MNF leh Congress ten an duhkhawp Seat an pek ringlo.

ZNP President, Pu Lalduhoma chuan niminpiah khan Lunglei Press Club-ah thuthar thehdarhtute kawmin Congress party leh MNF-ten seat an duh khawp an pek chhuah theih a rin loh thu a sawi.
He hunah hian Pu Lalduhoma chuan press mite zawhna chhangin, party thawhpui theih loh an neih a hriat loh thu sawi a, "Mahse party lian pahnih Congress leh MNF-te hi seat kan duh khawp an theh chhuah theih ka ring lo. An theh chhuak thei a nih chuan kan ngaihtuah thei," a ti. Chief Minister Pu Lal Thanhawla'n a chal a hnawih sen chungchangah Pu Lalduhoma chuan, “Vai ramah hun engemaw chen ka lo awm ve tawh a, hnamdangte Kut leh Festival-ah te pawh kan kal a \ul chang a awm \hin. Chal min hnawihsen sak tum hi ka la tawng ve ngai lo a, kan CM vai ram zin \hinin a chal hnawihsen sak tum a tawng thei bik em em mai hi zuam zawng deuh an nei nge ni, kan CM thinlung lam hi a lo sen tel ve zawk?” a ti. Pu Lalduhoma chuan, NLUP chu PM Special Package a nih loh thu sawiin, "Centraly Sponsored Scheme hrang hrang a\anga Central sorkarin lo pawhpên (convergent) a phal a. Heng an zuk sawi chhuak thei erawh hi chu an fakawm hle," a ti a, Chief Minister atana mi tam zawkin amah an duh a, mahse thachhang dâwltu a nei lo tih fo \hin chungchangah, MPC President Brig. T Sailo pawh amah duh vangin a pawlte zinga mi dang pawh an vote mai \hin thu a sawi bawk.

Comments

Popular News (Last 30 Days)