Maths leh Science-a ti\ha te chawimawina hlan an ni

SCERT Science Promotion Wing buatsaihin nimin khan Aizawl-a Vanapa Hall-ah zirlai Science leh Maths a ti\ha te leh State Level National Talent Search a ti\hate hnenah lawmman pawisafai sem a ni.

He hun hi Parliamentary Secretary Pu Lal Thanzara chuan khuallian nia hman-puiin ram hmasawnna \hang zelah Science leh Maths subject hian hmun pawimawh tak an chang tih sawiin, heng subject a zirlai thiam fal bikte hnena lawmman sem chu lawmawm a tih thu sawiin, an thil dawn chu an hmabak awm zel turah chawkphurtu ni thei se, a ti a, Zirlai kalkhawmte chu tum mumal tak neia zir tura fuihin ram nghahfak an nih hre reng chungin nun uluk a, sual laka inthiarfihlim turin a fuih bawk.
    Education Department chuan ram hmasawnna tih chak kawnga Science leh Mathematics subject pawi-mawhzia hi hriaiin kum 1978 a\ang khan Cash Award for Proficiency in Science & Mathematics hi semin tun \um hi a vawi 36 semna a ni a. Primary School Leaving Certificate leh Middle School Leaving Certificate Examination hi kum 2011 a\ang khan tihtawp a nih avangin Primary leh Middle School tan lawmman sem hi tihtawp a ni. He Cash Award dawng thei turte chu HSLC, HSSLC examination leh Class IX & XI Promotion Examination-a Science & Mathematics subject a ti\ha zual bik te an ni. Tun \umah hian HSSLC-ah mi 13, HSLC-ah mi 24, Class XI-ah mi 8, leh Class IX-ah mi 49, an vaiin mi 94 an dawng a ni.