Lei tawlh vangin Serchip-ah In pakhat thiah a ni

Serchhip Leisang Veng-a Pu Lalremthanga In chu a thlanglam a\anga an In hmun hi a tawlh avangin nimin khan Serchhip-IV VC te hmalakna in an In hi thiah a ni.

Serchhip-IV VC te hmalakna a Serchhip Hmar Veng a\anga Leisang kawi panna kawng tur laih a nih hnuah a chhaklam Leisang Veng a\anga Hmar Veng panna, NH-54 kama Pu Lalremthanga In hmun hi che \anin tunah hian ft. 2 dawnin Hmar veng peng pawh hi a tlahniam tawh a, a thlanglam hi ala chet zui zel avangin In neitute hian luah zui ngam tawh lovin VC te hi an hriattir a, VC te hian an theih anga hma lak puiin nimin khan Serchhip-IV VC hmalakna in Serchhip Kawnpui North Branch YMA leh Serchhip-IV Disaster Management Committee te chuan Pu Lalremthanga In, Assam Type chu hna-tlang in an \hiat a, he hnatlang ah hian mi 100 dawn thawkchhuakin Serchhip-IV VC te hian a sakna turin Chanmari Vengthar-ah In hmun an pe nghal a ni. He In \hiahna hmun hi Serchhip DC Office a\angin Pu Vanlalrova, MCS leh DM&R Staff te pawhin an tlawh a, Pu Rotea chuan sorkar a\anga \anpuina awm thei tur te ngaihtuah sak an nih tur thu a sawi bawk a ni.