Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Building & Other Construction Workers Welfare Board in Rs. 4,56,94,900/- semchhuak tawh.

Labour & Employment Department hnuaia Building & Other Construction Workers Welfare Board chuan kumin August thla thleng khan mi hnuaia In hlawhfa te hnenah cheng 4,56,94,900 an sem chhuak tawh.

    Mizoram Building & Other Construction Workers Welfare Board hian Contractor te hnathawh a\anga chhiah an lak chu mi hnuaia inhlawhfa te hnenah an fate sikul fee ah te an damloh changa an inkawlna ah te leh Nupui/pasal neihna ah te, thihna chungchangah te, vanduaina tawh palh chungchangah leh thildangah te an mahni hnena in ziaklutte chu kawng hrang hrangin \anpuina a pe \hin a, heng an \anpuina pek te hi Contractor lian ten an hnathawhna project Cost a\anga 1% an lak tlingkhawm ani a tunah hian Labour Welfare Board hian tun dinhmunah cheng Nuai 1508,97,251 sum an hai lut tawh a ni.
    Mizoram Building & Other Construction Workers Welfare Board Asst. Welfare Commissioner Francis Lianmawia sawidan in Emloyees Provident Fund chungchangah Central Sorkara Employment Minister chu Mizoram-ah Sub-Regional Office dah turin an ngen tih a sawi a, Danin a phut ang Mizoram chuan phaklo mahse mamawhna a nasat em vang zawka dah turin an ngen tih a sawi a, chu an ngennna chu ngai pawimawhin Central Board of Trustees Executive Meeting chuan an ngaihtuah hnuah National Productivity Council chu ennawn tura tih an ni leh an ni pawh in rawtna an thlen leh tawh a ngaihtuah zui mek a nih thu KK. Jalan IAS Central Provident Fund Commissioner chuan Labour Employment & Industiral Training Department Minister Lalrinliana Sailo chu a rawn hriattir tawh a ni.

Comments

Popular News (Last 30 Days)