|awipui North-II ah tualthahna rapthlak tak thleng.

Mizoram chhimlam |awipui North-II khua a chhungkaw pakhata member pathumte chu nimin zing khan an chenna In-ah thi-a hmuh an ni a, hriamhrei hmanga nasa taka khawihna hnuhma an taksa ah hian hmuh an ni.

Thudawnna in a sawi danin |awipui North-II a awm Pi Lianngengi (80) leh a fapa Vanlalbela (50) leh Vanlalbela Fapa Chhak-chhuakthanga (11) te hi an In an sak \hat avangin an kawt-a chenna tur an siamchawp-ah khawsa in nimin zing-a an In-a bawnghnute dah tura kal chuan an la thawhloh avangin kaihhthawh tumin kawngkhar hi a beng a, amaherawh chu a kaihthawh zawhloh avangin \henawm te punin tukverh inhawng a\ang chuan an en a, heng mi pathum te hi na taka sawisak leh thi in an va hmu ta a ni. Thulakna in a tarlan zel dan chuan Pu Vanlalbela leh a fapa, Chhakchhuak-thanga te hi an khum-ah thi-a hmuh niin Vanlalbela taksa ah hian vihna hnuhma pahnih hmuh a nih bakah a Lu-ah na taka kutthlak a ni bawk a, a fapa erawh hi chu kutthlak lovin an rekhlum niin a lang thung a, Pi Lianngengi hi a tukkum lamah kutthlakna hnuhma hmuh tur a awm bawk a ni. He vanduaina thleng ah hian Rs. 70,000/- vel leh bungraw pawimawh \henkhat a bo bawk a ni. He thu buatsaih lai hian Police te chuan thil \ul ang ang tifelin heng vanduaina tawk mi pathum te ruang hi postmortem zawhfel a ni tawh a, an ruang hi an chenna In-ah hian lak a ni a, misual chhui hna hi Police ten ngawrh taka thawkin thu zawh-fiah turin mi \hahnem tak an khawm tawh bawk a ni.