Mizoram-a Meilawng chawlhna tur Terminal Building sak hna thawh tan a ni

Mizoram chhung Tui kawnga mipui veivakte leh bungraw phur meilawng te chawlhna tur, Terminal Building sak hna chu niminpiah khan Tlabung leh Kawrpuichhuah-ah thawh tan a ni. He hnathawh nan hian Ministry of Ports, Shipping and Waterways atangin cheng nuai 500 chuang sen a ni dawn a. Khualzin phur meilawng veivakte chawlhna tur Terminal Building sakna tur thil tul hrang hrangte hi India rama tuikawng thuneitu sang, Inland Waterways Authority of India (IWAI) chuan  buaipuiin Transport Department chu Nodal Department an ni. He Terminal building hmunhma tur atan hian Young Mizo Association (YMA) Tlabung Branch chuan an Park enkawl lai, metre 60-a thui leh metre 50-a zau chu an pe a ni. He project hnuaiah hian Terminal building tha tak sak a nih dawn mai bakah khualzinte chuanna tur Lawng lian (vessel) pahnih pawh Shipping Ministry hian a rawn dah dawn bawk a ni.