MERC thutkhawm Minister hovin nei

Mizoram Education Reforms Committee (MERC) thutkhawm vawi 18-na chu Zirtawpni khan an Chairman leh School Education Minister Dr. Vanlalthlana hovin Aizawl-a Directorate of School Education Committee Room-ah neih a ni a, Sawrkar leh Kohhran te thawhhona atanga School enkawl dan tur, Public Private Partnership (PPP) rawtna tih hlawhtlin nan District tinah PPP Mode School pakhat tal Pilot Project a kalpui turin School thlan nise an ti a. Draft Mizoram Education Service (MEdS) Rules, 2026 chu siam rem ngaite siam remin School Education leh Higher & Technical Education ten Service hrang nei se, hun remchang hmasa berah concerned service Association te thlirpui ni se an ti.

Hei bakah hian Transfer and Posting of School Teachers Rules, 2026 pawh hman theih tura ruahman niin hun reilote ah zirtirtu insawn dilte pawh sawrkarin kaihhruaina thar a siam leh he Dan thar hnuaiah hian ngaihtuah a ni dawn tih tarlan a ni a. Mizoram zirna lama hmasawn zel nan Central Board of Secondary Education (CBSE) syllabus zawm tura CBSE Affiliation dil turin School thenkhat  ngen ni se, hemi avanga senso ngai awm chu sawrkarin tum sak dan ngaihtuah se an ti bawk.