BCM-in ‘Naupangte Ni’ an hmang
Baptist Church of Mizoram (BCM) ten kumtin November thla Pathianni vawi thumna-a an hman thin, ‘Naupangte Ni’ chu nimin khan hmun hrang hrangah hman a ni a, he ni hi Kohhran pum huapa naupangte pawimawhna inzirtîrna hun atan hman thin a ni. Kum 2015-a BCM Assembly chuan kan tunlai khawvêl sualna pung zêl thlirin, naupangte ngaihsak lehzual tha a ti a, hemi ang hian ‘Naupangte Ni’ hi kumtin hman relin Assembly Executive Committee chuan November thla Pathianni vawi thumna a hmang turin a rel a ni.
