SHC-a buaina thleng pawi ti

Hmar Students' Association (HSA) Sinlung Hills Joint Hqrs. chuan tunhnaiah Sinlung Hills Council Rules (Disqualification on ground of defection) rules 2022 rules 3(1)(a) bawhchhiatna a awm ni a sawi avangin SHC in buaina a tawk mêk tih sawiin, Budget Session tur pawh tum hnih thulh phah a ni tih an sawi a. Hetiang thil thleng hi SHC mualphona ah ngaiin pawi an tih thu leh hetiang Party Politics inhruipawhna avanga SHC tih thuanawp chu an a phal ngai lovang tih an sawi a. “He dan bawhchhetu member an awm a nih chuan dân angin rorelna chu kalpui ngei nise tih hi kan duh a, Dan palzûtna a lo awm lo a nih pawhin kan aiawh a rorel tur a kan thlantlin te hian mumal taka ro an rel leh thuai theihna turin thuneitu ten a ranglam a hma min laksak turin kan ngên a ni,” tiin SHC Rules zawng zawng a nihna ang taka lekkawh turin sawrkar leh thuneitute an ngen thu an sawi bawk.