ODOP hnuaiah hlawkna hmuchhuak
Lunglei District-ah hian ‘One District One Product’ (ODOP) hmalakna hnuaiah Balhla hi thlan niin hmalakna hrang hrang sawrkarin a kalpui a, District chhunga hmun hrang hrangah Balhla chin niin tharchhuah hmang hian Balhla atanga siam Banana Chips, Theitui (Banana Juices) leh chaw tha hrang hrang te siamchhuah leh a ni a. Akashvani News Aizawl nen an inkawmna ah Lunglei DC Navneet Mann-i chuan Lunglei District Horticulture Department nen tangkawpin an District chhung an zirchian hnuah Balhla chu a that duh bik avangin ODOP Scheme atan an thlang tih a sawi a, an District chhunga khaw hrang hrangah hma la in Balhla chin kawngah hmalakna kalpui a ni tih a sawi a, kuthna-thawktuten an tharchhuah atanga hlawkna an hmuh theih nan Balhla atanga Juice siam dan leh Banana Chips siam dan zirtir an ni tih sawiin, sawrkarin a buatsaih programme lianah pawh dawr (stalls) siam sakin an tharchhuah an zawrh na tur siam a ni a ti bawk.
Lunglei District-ah hian Balhla chin hi khaw 17 velah kalpui niin chhungkhaw 300 atanga 400 velin an ching a, Balhla tharchhuah ttanga thilsiam hrang hrang hmang hian sumfai Rs. Rs. 3,78,28,000/- an la lut tawh a ni.