Horticulture Minister in ‘Hnahsin Kut’ a hawng
Hnahsin Kut hawnna ah hian Horticulture Minister chuan khuanu min pek kan ram mawina, kan hnam ziarang leh rohlu te eco-cultural tourism hmanga kan pholan a, khualzin hip chu Hnahsin Kut-in a tum ber pakhat a ni tih a sawi a. Hnahsin Kut hmang tura Mizoram chhung District hrang hrang mai bakah State dang leh ram dang atanga khualzin an lo kal chu lawmawm a tih thu a sawi a. Champhai District hian hmalakna hrang hrangah hlawhtlinna duhawm tak tak a neih thu sawiin, sawrkar hmalakna leh hmachhawp hrang hrangte a tarlang bawk.
Nikum 2025 khan Kut hma September thla tawp atangin Hnahsin hmun tlawhtu khawtual mi leh khualzin tam tak an awm tan tawh a. Chutiang zawng zawng nena chhutin Hnahsin Kut chhimtu/tlawhtu (footfall) hi mi 1,20,000 vela chhut a ni a. Kut tawp zan-a Mualnuam concert chu mi 42,000 velin an chhim nia chhut a ni bawk.
Hnahsin Kut 2025 neihna chhunga Stall neitute inhralhna hi chengn nuai 200 vel a ni a. Hotel, Guest House leh Homestay-te sum lakluh chu cheng nuai 140 vel niin Khualzin an thlen zat hi Mizoram chhung mi 5100, Mizoram pawn atangin mi 805 leh India ram pawn mi 56 a ni a. Hnahsin Kut avanga Champhai leh a chhehvel bawra sum chevel leh rawn lut hi cheng nuai 2000 vel nia chhut a ni.