Hahdam turin thurawn pe
Chief Minister Lalduhoma chu Doctor ten chawl hahdam turin thurawn an pe. Chief Minister Office thuchhuah tarlan danin Inrinni kalta vel atang khan Chief Minister Lalduhoma hi a chauh deuh avangin a inentir a, Doctor ten uluk taka an endik hnuah thil fel lo hmu lovin a hah lutuk avangin a rimtawng niin an hria a, ni engemaw ti chhung chu chawl hahdam turin thurawn an pe a ni. Hetianga Doctor ten thurawn an pek avang hian nimin (Oct. 26)-a Programme a lo duansa te chu cancel in Vawiin lama Programme te pawh loh theih loh chauh lo chu cancel a ni a, a Prog-ramme neih tur chin chu a kaihhnawih Official leh mipuite hriattir an ni anga. In lama a awm hahdam chhung hian phone-a biak leh Message thawn lama lo insum tura an ngen bakah amah hmuh kher pawh tum rih lo turin an ngen bawk a ni.