Electoral Roll Special Drive neih a ni dawn

Mizoram Chief Electoral Officer (CEO) R. Zarzosanga chuan tun thla chhungin Electoral Roll Special Drive neih a nih dawn thu a sawi. Niminpiah-a a Pisa-a thuthar thehdarhtute a kawmna ah CEO R. Zarzosanga chuan, Electoral Roll-a Enrolment kal lai mek atan hian Special Drive neih tur a nih thu leh October thla chhung hian India khua leh tui dik tak, mi tupawh SIR kalpui laia hmaih palhte chuan an Bialtu ERO hnenah tih thin dan pangngaiin enrolment an dil thei tih a sawi a; DEO te, ERO te, AERO te leh BLO te pawh India khua leh tui tupawhin vote an neih kim theih nan leh hmaih an awm loh nan theihtawp chhuah tura hriattir an nih thu a sawi a. Booth Level Officer (BLO)-ten SIR Final Electoral Roll tihchhuah thar leh SIR kalpui hmaa Electoral Roll kha enkawpin an zirchiang dawn tih a sawi bawk. Mizoram-a SIR 2026 Final Electoral Roll tihchhuah hnuah lungawi lohna neia District Election Officer te hnena appeal thehlut 3,840 a awm thu a sawi bawk.