CM leh General te nupa inkawm

Mizoram-a rawn zin mek khawvel puma Salvation Army hotu lu ber General Lyndon Buckingham, 22nd General of The Salvation Army leh a nupui, Commissioner Bronwyn Buckingham, World President of Women’s Ministry te chu nimin zing khan Chief Minister Lalduhoma chuan tukthuan a buatsaih sak a, heng mite hi Chief Minister chuan Mizoram sawrkar leh mipuite aiawha lo lawmin, The Salvation Army ten ram hrang hrang 134 a rawng an bawlna, inthliarna tel lova hma an laknate chuan a rilru a hneh thin thu a lo hrilh a. Ruihhlo ngaite chhanchhuahna (De-addiction) lamah te, humsual daiten leirem an rah lehna tura hmalakna ah te sawrkar nena thui taka thawhho theih a nih thu a hrilh bawk.

General Lyndon Buckingham pawhin Mizoramin a lo mikhual danah an lawmthu sawiin, a hma zan-in Home Minister-in zanriah a buatsaih sak thu a sawi a. IET-a Salvation Army kaltluanna chhan pakhat chu an hmalakna tam tak hi Mizoram sawrkarin tihhlawhtlin a tum ve tho thilte an nih thin vang a nih thu te a sawi bawk.