Chief Minister's Tourist Destination Challenge-ah Zawlpui thlan a ni
Mizoram-a Tourism hmasawnna tura hma-lakna atana District hrang hrang tana inelna neih tur, ‘Chief Minister's Tourist Destination Challenge’ chungchang chu nimin khan Serchhip-ah Bawrhsap, Paul L. Khuma hovin sawiho a ni.
He sawihona Serchhip DC Meeting Hall-a neih ah hian SDO (Sadar), DAO, DIPRO, khawtlang hruaitute, Zawlpui Zau-a loneitu FMC aiawh te, Govt. Serchhip College Zirtirtu te, bakah MJA leh Mizoram Aerosport Association Sub-Hqrs. aiawh bakah sawmbik midang te an tel a, SDC Vanthangpuia chuan ‘Chief Minister's Tourist Destination Challenge’ kalphung tlangpuite a sawifiah a. Serchhip District-a Tourism tih hmasawnna tur atana hmunhma tha tak takte - Zawlpui Zau-a Sunflower Festival huaihawt theihna tur hmun te, Bawngchawm leh Zawlpui-a Paragliding tih theihna te, Nagar Van (Entlang), Kawlri Tlang Cultural Heritage Centre te-a Adventure Tourism tih hmasawnna tura hmunhma tha tak tak awm te sawiho niin, he Challenge atan hian Serchhip District atangin Zawlpui phai chu thlangin hetah hian 'Sunflower Festival' nei tura ruahman a ni a, hlawhtling taka kalpui a nih theih dan tur hrang hrangte an sawiho nghal a ni.
He sawihona Serchhip DC Meeting Hall-a neih ah hian SDO (Sadar), DAO, DIPRO, khawtlang hruaitute, Zawlpui Zau-a loneitu FMC aiawh te, Govt. Serchhip College Zirtirtu te, bakah MJA leh Mizoram Aerosport Association Sub-Hqrs. aiawh bakah sawmbik midang te an tel a, SDC Vanthangpuia chuan ‘Chief Minister's Tourist Destination Challenge’ kalphung tlangpuite a sawifiah a. Serchhip District-a Tourism tih hmasawnna tur atana hmunhma tha tak takte - Zawlpui Zau-a Sunflower Festival huaihawt theihna tur hmun te, Bawngchawm leh Zawlpui-a Paragliding tih theihna te, Nagar Van (Entlang), Kawlri Tlang Cultural Heritage Centre te-a Adventure Tourism tih hmasawnna tura hmunhma tha tak tak awm te sawiho niin, he Challenge atan hian Serchhip District atangin Zawlpui phai chu thlangin hetah hian 'Sunflower Festival' nei tura ruahman a ni a, hlawhtling taka kalpui a nih theih dan tur hrang hrangte an sawiho nghal a ni.
CM’s Tourist Destination Challenge-ah hian District tin ten khualzinte tlawh chakawm tura hmunhma an neih te phochhuak turin an duh hmun thlangin hemi behchhan hian DPR siamin an inel dawn a, heng an DPR siam te hmang hian November 25-27, 2026 chhungin presentation pein an inel dawn a ni. He Challenge-ah hian lawmman pakhatna dawngtu District tan cheng nuai 2, pahnihna atan cheng nuai 1.5 leh pathumna atan cheng nuai khat ruahman a ni a. Serchhip District chuan Tourist Destination atan Zawlpui hi thlangin hemi hmang hian 'Sunflower Festival' nei turin DPR hi siam a ni dawn a, hei hi District inelna ah hian thawhin chumi hnuah he Festival hi neih tura ruahman a ni.

