CCM Sunday hman a ni

Nimin October 25, 2026 (Pathianni) khan Council of Churches in Mizoram (CCM)-a tel Mizoram-a Kohhran hrang hrangte chuan ‘CCM Sunday’ atan an hmang a, he ni-a hian ‘Sual do tura tanrual’ tih chu thupui-ah hman niin CCM Sunday pual hian tawngtai rualna neih a nih bakah CCM pualin thilpek lakkhawm a ni bawk. CCM hi Mizoram-a Kohhran hrang hrang ten thu khat vuaa rawng an bawl ho theihna tura din niin tun dinhmunah Mizoram-a Kohhran 9 an tel a, chung te chu Mizoram Presbyterian Kohhran, Baptist Church of Mizoram, Evangelical Church of Maraland, Lairam Isua Krista Baptist Kohhran, Evangelical Free Church of India, Isua Krista Kohhran Bualpui, Independent Church of India, Wesleyan Methodist Church of Mizoram leh Zomi Baptist Church te an ni.