Vawiin September 28, 2026 hi khawvel puma Ui â hri venna ni, 'World Rabies Day, 2026' a ni a, he ni pual hian Inrinni khan AH & Vety Department, Mizoram State Veterinary Council (MSVC) leh Indian Veterinary Association (IVA), Mizoram te tangkawp chuan Aizawl khawpui huamchhung Veng hrang hrang 4-ah a thlawna Ui â hri danna pek runpui 'Free Anti-Rabies Vaccination Camp' an buatsaih a, Anti-Rabies Vaccine dose 402 pek niin heng zingah hian Ui 353 leh Zawhte 49 te hri danna pek an ni.
World Rabies Day hi Ui â hri danna Anti-Rabies Vaccine (ARV) hmuchhuaktu, Louis Pasteur thih champhaphak pualin kum 2007 atang khan kumtin September ni 28-ah hman thin a ni a, kumin hian ‘Stronger Together’ tih chu thupui atan hman tur niin he ni lawmna hi Vawiin hian AH&Vety Minister hovin Aizawl-ah neih a ni ang.
