SDVA Volleyball Tournament khel zo
SDVA buatsaih Season Opening Tournament hi New Serchhip Volleyball Court-ah kar kalta khan khelh niin Inrinni khan Final khelin zawhfel a ni a, Mipa inelna ah Team 16 telin Serchhip Kawnpui North VC chuan Chhingchhip Venglai VC chu 3-2 (23-25, 21-25, 25-24, 25-12, 15-10) a hnehin an Champion a, Mipa inelna ah hian Best Spiker atan Isak Vanlalhmangaiha leh Best Setter atan Lalhriatzuala te thlan niin Serchhip Kawnpui North VC ve ve an ni.
Hmeichhe inelna Final-ah Team 4 telin New Serchhip VC chuan Vengchung VC chu 3-2 bawka hnehin an Champion a, New Serchhip VC te hian 25-22, 27-29, 16-25, 25-16, 15-8 in hnehna an chang a, Best Spiker atan Hualthanpuii leh Best Setter atan Gosty Lalhlimpuii te thlan niin New Serchhip VC-a khel ve ve an ni. Inrinni-a Final khelh hi Serchhip BDO, Dr. Lalramdintluanga chuan khuallian niin a hmanpui a ni.