MSPMC in Thenzawl-a hmasawnna hnathawh an enfiah
MSPMC hian an Secretary Er. Lalthanzuala Ralte hovin Heliports & Helipads siam mek te; Mega Egg Production Farm atana hmalakna kal mek te; Thenzawl Higher Secondary School (Science Stream) Building sak hna thawh mek leh Working Women Hostel siak hna thawh mek te chu an enfiah a. Heng hmasawnna hnathawh endikna neih anih hma hian Pre-Inspection Meeting neih niin MSPMC in endikna an kalpui dan te in hrilhhriat a ni a, MSPMC Inspection Team te hi hmun hnih ah inthen in hmasawnna hnathawh te hi an endik a, endikna zawhfel a nih hnuah Exit Meeting nei lehin hmasawnna hnathawh project pali an endikna-a an thil hmuh leh a hun taka hnathawh zawhfel a nih theih dan turte chu hnathawktute an sawipui leh a. Heng Project hrang hrang endik te hnathawhna hmanrua te chu PWD Quality Control Division te chuan lakhawm in uluk zawka endik leh tur a ni dawn a ni.
Tun tuma hnathawh endikna ah hian MSPMC Inspection Team-ah hian Secretary, Er. Lalthanzuala Ralte bakah MSPMC Members- Arch. George Lalzuia, Dr. K. Vanlaldinpuia, Lalbiakmawia Khiangte, Prof. Chawngsailova leh Vannunmawia,PS to Vice Chairman, Vanchhungi, Task Force leh PWD Quality Control Division atangin SDO Evengeline Lalrinmawii leh Lab. Technician leh Lab. Assistant te an kal a. Heng Project hrang hrang Nodal/Executing Department hotute leh Contractor ten an lo dawngsawng a ni.