MIMA in hnamdang sumdawng an ngaihtuah

Mizoram Merchant Association (MIMA) chuan hnamdang leh ram dang mi dan lova sumdawngte chungchang ngaihtuahin nimin khan thutkhawm an nei a, Aizawl Municipal Corporation (AMC) leh sumdawngte chu Mizo hnam inchimralna a thlen loh nana inlungrual taka thawkho tura an duh thu sawiin, AMC Licensing Regulations pawh Mizo hnam himna tura siam that nise an duh thu leh hemi chungchang hi AMC Mayor sawipui an tum thu an sawi bawk a ni. He thutkhawmah hian dan lova hnamdang sumdawngte, Mizo hming hawha sumdawng leh Foreigner dan lova sumdawngte dapchhuak a, hmalak dan zawn nise an ti a. In leh sumdawnna hmunte chu Mizo dik tak chauh luahtir hram hram turin Mizo mipuite an ngen tih an tarlang bawk.