Mamit District Hospital tan Ambulance hlan a ni

Mamit District Bawrhsap Suvigya S Chandra IAS chuan nimin khan Mamit District Hospital a damlo te'n tangkai taka an hman atan Ambulance a hlan a, he hunah hian Bawrhsap chuan Aspirational District an nih anga hamthatna leh duhsakna hrang hrang an dawnte hman tangkai nachang an hriat a pawimawh thu sawiin, damlo hmunpui zawk pan ngaite, nu nau nei tur rang leh awlsam zawka damdawi In panpui an nih theih nana thil tangkai tak nise a duh thu a sawi a ni. He hunah hian District Medical Superintendent Dr. Malsawmsanga Khiangt chuan Mamit District Hospital-in an mamawh em em Ambulance thar tha tak mai ngaihtuah saktu District Bawrhsap Suvigya S Chandra chungah lawmthu a sawi bawk.

India ramchhunga District hnufual te chawi-kanna tur NITI Aayog hnuaia Aspirational District Programme (ADP) kaltlanga District chawi-kanna hian Health leh Nutrition te a huam tel a, Mamit District Hospital-in Ambulance an kawl lai chu kum 2020 atanga kawl tawh a nih avangin damlo te hmunpui zawk panpui turin a chak tha tawk loh avangin District Administration atanga Ambulance thar hi dil sak an ni a. Tun tuma hlan tak Ambulance hi Jute Corporation of India chuan Corporate social Responsibility (CSR) hnuaiah an pe a ni.