Kumin-ah mi 41 an thi tawh

Kumin kumtir atanga August ni 25  thleng khan Mizoram-ah damdawi hmansual/over dose vanga thi mi 41 an awm tawh tih Excise & Narcotics Department chhinchhiahna ah tarlan a ni a, heng mi 41 zinga 35 hi mipa niin midang 6 hi hmeichhia an ni thung. Kumin a damdawi thihpui te hi an vaiin No.4 (Heroin) kaihhnawiha thi vek an ni. Excise & Narcotics Department in kum 1984 atanga an chhinchhiah dan chuan Mizoram-ah damdawi hmansual vanga thi hi mi 2038 an awm tawh a, an zinga 1788 hi mipa niin 250 chu hmeichhia an ni. Nikum 2025 kha Mizoram-ah damdawi hmansual vanga thi an tam ber kum a niin mi 118 an thi a, kumina damdawi kaihhnawiha thi te hi kum 18 atanga 56 inkar te an ni.