Khawtlang in kawng siam an endik theih nan ruahman

Serchhip District chhunga National Highway siamthat hna thawh turah khawtlang hruaitu ten hnathawh te uluk zawka an vil theih nan ruahmanna siam a ni.
    NHIDCL te enkawl Serchhip District-a National Highway-02 hi kumin Fur-ah a chhe zualpui siam a nih hnuin ruahtui hul hunah kawng siamthat hna, Permanent Repair Work chu thawh tura ruahman a ni a, hemi chungchang hi Sept. 24, 2026 khan Serchhip Bawrhsap Paul L. Khuma hovin Serchhip DC Meeting Hall-ah sawiho niin he kawngpui in a paltlang khawtlang hruaitu (VC) te bakah Joint VC leh YMA aiawh te an tel a. He thutkhawm a tel te hian tun tuma kawngpui siamthat hna thawh tur hi khawtlang hruaitu ten a hmunah ngeia enpuia, vilzui leh endik (monitor) a nih theih nan ruahmanna an siam a ni a. Hemi atan hian hnathawh a lo thata, hun rei tak daih tur kawngpui siam a nih theih nan khawtlang hruaitute pawhin an hriatthiam awlsam tura Checklist siam a ni a; he Checklist-ah hian hnathawh na a technical thil pawimawh tak tak mipuiin an lo finfiah ve theih tur tarlan a ni bawk.