Serchhip Sub-Hqrs. YMA chuan dan lova hnamdang sumdawng te chungchang ah hmalak nise an ti. Serchhip Sub-Hqrs. YMA hian Inrinni khan SYMA Hall-ah Sub-Hqrs. Executive Committee (SEC) thutkhawm neiin tunhnaiah Serchhip leh a chhehvel ah dan lova hnamdang sumdawng leh bungraw semkual-a sumdawng an awm leh ta nia hriain a tul anga hmalak nise an ti a. Hei bakah hian National Highway-02 Permanent Repair Works thawh turah a tha thei ang bera hnathawh a nih theih nan a tul anga hmalak nise an ti a. Central YMA in October 2, 2026-ah Mizoram hmun hrang hrangah Ruihhlo Do kawngzawh neih tura a ruahman angin Serchhip, New Serchhip leh Chhiahtlang-ah te Kohhran te nen tangrualin kawng-zawh hi neih tum nise an ti bawk.
