Bank hmalakna thlirlet

Zonuna Kawlni (LENKAWL) • September 2, 2026 • Comments • Mizoram

Mamit District chhunga Bank hrang hrang te hmalakna thlirin nimin khan Mamit-ah District Bawrhsap Suvigya S Chandra hovin District Consultative Committee (DCC) leh District Level Review Committee (DLRC) thutkhawm neih a ni a, he hunah hian kumin June thla tawp thlenga Bank te hmalak dan thlirlet niin District chhunga Bank hrang hrang CD Ratio chu 78.75% a nih thu leh hei hi RBI in thingtlang lama Branch te tan India ram pum huapa 60% tlin tur a tih aia sang a nih thu tarlan a ni a. June thla tawp quarter thlengin PMJDY hnuaiah Mipa 16,349 leh Hmeichhia 20,468, an vaiin 36,817 awmin PMJJBY Enrollment ti thar 2371 leh Renew 16,401 an awm a, APY hnuaia enrolment ti thar 248 an awm bawk.