State University-ah hma la

Higher & Technical Education Minister Dr. Vanlalthlana chuan nimin-a Assenbly Session-ah member te zawhna chhangin Mizoram State University dinna turin Post Creation 70 phalna dawn a nih tawh thu leh Post 20 fill up phalna pawh dawn tawh a nih thu sawiin, chung zingah chuan Group ‘D’ post paruk chu fill up tawh a ni tih a sawi a. Lunglei-ah Hqrs. tur zawn mek a nih thu sawiin, ‘He University hi a function hunah Champhai Govt. College-ah Post Graduate zirna hawn theih dan a awm ang em?” tih zawhna chu sawi lawk theih a ni rih lo a ti bawk.