Serchhip Kawnpui VC in Executive body siam thar
Serchhip Kawnpui VC hian mipui te hnena hriattirna tichhuakin an Village Council President (VCP) Lalramnghaka Kawlni chuan taksa lama harsatna a neih avanga phatna a siam avang leh VC Secretary, Lalchung-nunga’n mimal harsatna avanga banna a thehluh avangin Village Council Executive Body siam thar a nih thu an tarlang a. Hemi ang hian Village Council President (VCP) atan Lalremsiama Kawlni niin Vice President-ah Lalmuanpuii leh Treasurer-ah K. Malsawmtluanga te an ni a, Secretary-ah C. Lalthakima leh Crier (Tlangau)-ah Lalrothanga te an ni bawk.
Serchhip Kawnpui VC-ah hian Member 5 awmin MNF leh Congress in Member pahnih ve ve neiin ZPM in Member pakhat an nei bawk a, MNF leh Congress hian VC Executive Body siamin Congress in VCP an chan thin chu MNF in an chang ve dawn ta thung a. Executive Body a tel te bakah hian Member-ah Lalramnghaka Kawlni leh Malsawmsanga te an awm bawk a ni.