Serchhip Police ten kumin June leh July thla chhunga Mobile Phone bo report an dawn atanga an hmulet pali te chu Inrinni khan Phone neitute hnenah an hlan let. Serchhip Police te hian CEIR Portal kaltlangin Mobile Phone bo te hi an chhui zui thin a, tun tuma Phone bo hmuhlet a neitute hnena an hlan te hi New Serchhip Venglai-a cheng mi pakhat Phone (ITEL P40) te; Chhing-chhip Mualpui-a cheng mi pakhat Phone (Mi 11x), Aizawl Dawrpui Vengthar-a mi pakhat Phone bo (OCO X3 pro) leh Serchhip Hmar Veng-a phone bo (POCO C55 ) te a ni a. Heng zinga pahnih hi June thla-a bo niin April thla leh May thlaa bo pakhat ve ve a awm bawk. Tun tum hi Serchhip Police ten Phone bo an hmuhlet a neitu te hnena an hlan tum thumna a ni.
