VB-G RAM G inhrilhfiahna kalpui chhunzawm zel a ni

Zonuna Kawlni (LENKAWL) • July 3, 2026 • Comments • Mizoram

Tun thla July ni 1 atanga hman tan Viksit Bharat : Guarantee for Rozgar and Ajeevika Mission (Gramin) [VB-G RAMG] chungchang inhrilhfiahna hun chu nimin khan Aizawl DC Pisapui Hall-ah neih a ni a, he hunah hian VB-GRAMG chu India in ram changkang zinga inhlankai tuma a hmalakna Vikshit Bharat @20247 peng pawimawh tak pakhat a nih thu te, VB-GRAMG thil tum pawimawh tak chu kum khat chhungin chhungkaw khat tan ni 125 hna thawh tur duan te, Kumtin buh thar leh seng hunah chawlhkar 8 (ni 60) chhung chawlh hun (Seasonal Pause) siam te, Department hrang hrang hmalakna te chu kalpui kawp (Convergence) te leh sawrkar laipuiin 90% leh State sorkar in 10% intum sem tur te a nih thu tarlan a ni a. State Level atanga Village Level thleng Orientation leh Public Outreach (Jan Samvaad) neih mek zel a nih thu leh Mizoram-a pawh kalpui mek a nih thu tarlan a ni bawk.