Nikum June thla aiin kumin June thla a GST hmuh 4% in a pung

Zonuna Kawlni (LENKAWL) • July 8, 2026 • Comments • Mizoram

Ramchhunga State hrang hrang Goods and Services Tax (GST) dinhmun tarlanah Mizoram GST chu nikum 2025 June thla chhunga khawn aiin kumin June-ah za zela 4 in a pung.

Ministry of Finance tarlan danin India rama Chhiah khawnna atana July 2017 atangin GST hman anih hnuah rampum huapa GST khawn chu a pun belh zel a, kumin 2025 June thlaah Mizoram chuan GST atangin cheng vbc. 15 a hmu a, Union Finance Ministry sawi danin nikum June thla nena tehkhinin a punna hi 4% a ni. Ministry of Finance tarlan danin nikum September 22 atangin Goods and Service Tax (GST) chhiah thil chi hrang 375-ah tihhniam a ni a, kumin June hma chuan State tin te GST head (CGST, SGST, IGST) an hmuhte tarchhuah vek a ni a, June 2026 atangin SGST atanga hmuh chiah State khawnkhawm anga tarchhuah anih tak avangin State zawng zawng GST khawn hniam angin a lang a, a takah erawh a hniam lo a ni.

Hetihlai hian India ram pumpuiah nikum June 2025 thlaa khawn aiin kumin June 2026 thla ah cheng vbc. 23,707 in a pung a, a punna 13.9% a ni a. Nikum June nena khai-khinin Mizoram GST 4% a pun laiin hmarchhak State thenkhat Nagaland leh Arunachal Pradesh chu -3 ve ve an ni.