Chenna atana Industrial Area hmang te chhuak turin ti

Mizoram sawrkar Commerce & Industries Department chuan hriattirna tichhuakin Section 9(1)(2) of The Mizoram Industrial Area (Management, Regulation & Control) Act, 2008 in Director of Commerce & Industries (Appropriate Authority) thuneihna a pek angin Commerce & Industries Department in heng Industrial area atana hmun a neih- Export Promotion Industrial Park (EPIP), Lengte; Industrial Growth Centre (IGC), Luangmual leh Industrial Estate, Zuangtui ram chhungah te Sawrkar phalna nei lo a hmunhma lo khuar leh chenna atan a hmang mi engemaw zat an awm tih hriat a ni tih tarlangin, heng mite hi July ni 31, 2026 aia tlai lovah Industrial Area/Estate hi chhuahsan/insaseng tura hriattir an nih thu a tarlang a. Department Land Lease chhungah hian revenue pass siam thar theih a ni lo tih tarlangin, ram zuar an awm pawhin dan phal loh a nih thu leh tumahin lo lei sak lo turin an ngen bawk a ni.