Bawlhhlawh Motor vailiam

Aizawl District Water & Sanitation Mission (DWSM)-in State Water & Sanitation Mission (SWSM) atanga Tawih theilo bawlhhlawh khawnkhawmna tur Motor, Dry-Waste Collection Vehicle pali (4) an dawn chu nimin khan Aizawl Bawrhsap, Er. Lalhriatpuia chuan a hmangtu turte hnenah hlanin a vailiam a. heng Motor pali te hi Seling Plastic Waste Management Unit enkawltu, Vanzel EcoSolution hnenah pahnih (2) hlan niin, Aizawl Plastic Waste Management Unit enkawltu Waste Tech & Bio-Energy hnenah pahnih (2) bawk hlan a ni. Tun dinhmunah PHE Department enkawl SBM-G hnuaiah hian Mizoram-a hmun 5-ah Tawih theilo bawlhhlawh sawngbawlna hi mumal taka kalpui mek a ni a, Aizawl District bikah hmun hnihah awmin, Thingsulthliah RD Block leh Darlawn RD Block huamtu Seling PWMU leh Aibawk RD Block leh Tlangnuam RD Block huamtu, Aibawk PWMU te niin khaw 48-a chhungkaw 12,000 vel a tuam mek a ni.