Serchhip-ah Lok Sabha MP hovin DISHA thutkhawm neih a ni

Sawrkar laipui ruahmanna hnuaia hmasawnna hnathawh hrang hrang dinhmun thlirin nimin Serchhip-ah District Development Coordination Monitoring Committee (DISHA) chu an thukhawm.
Serchhip DC Meeting Hall-a DISHA thutkhawm hi Member Secretary leh Bawrhsap Paul L. Khuma chuan kaihruaiin DISHA Chairman leh Lok Sabha MP, Richard Vanlalhmangaiha chuan DISHA chu Central sawrkarin a ngaih pawimawh thu sawiin, Meeting chu hmang tangkai turin Member kalkhawmte chu a chah a, India sawrkar programme leh Scheme hrang hrangte chu hlawk thei ang bera hman a nih theih nan DISHA chu a pawimawh thu a sawi bawk a ni.

He thutkhawm ah hian DRDO Project Director, Dr. Malsawmtluanga Fanchun chuan DISHA Meeting hnuhnung ber-a thurel bawhzui a nih dan a pharh a, Committee thurel bawhzui a nih dan chu a tha thawkhata ngaih a ni. Hemi hnu hian Centrally Sponsored Scheme (CSS) chi hrang hrang hmanga District chhunga hna thawhte thlirho a ni a. Department hrang hranga District Office enkawltute chuan an kova tla CSS chungchanga an hmalak tawh dante leh an hmachhawpte an sawifiah bakah an sawiho nghal bawk a ni.

DISHA-ah hian Lok Sabha MP te chu Chairman niin Rajya Sabha MP te chu Co-Chiarman a ni a, District chhunga MLA zawng zawngte chu Member an nih bakah khawtlanga mi rawnkai thlanchhuah mi pathum te member an ni bawk a. District chhunga CSS enkawltu Department hotute an tel bawk a ni.