Sainik School-ah Home Minister in CSD Canteen hawng

Zonuna Kawlni /

Chhingchhip Sainik School-a ‘CSD Canteen’ chu nimin khan Home Minister K. Sapdanga’n a hawng.
 Home Minister K. Sapdanga hian nimin khan Chhingchhip-a Sainik School hi tlawhin MLA Lt. Col. Clement Lalhmingthanga, Home Department Secretary Vanlalmawia, Jt. Secretary PC. Lalduhthlanga, 14th Assam Rifles hotute leh sawrkar Official dangte'n an tawiawm a. Home Minister hian Unit Run ‘CSD Canteen’ thar chu hawngin Sainik School chu ram leh hnam tana mi rintlak, rinawm leh discipline tha nei tura inzirtirna hmun pawimawh tak a nih thu a sawi a. Zirlaite chu ram leh hnam tana mi tangkai tak tak nih tum tura fuihin, thawktute pawh ram tana mi tangkai chherchhuak deuh deuh turin duhsakna a hlan bawk a; Sainik School-a Unit run, CSD Canteen hawn thar chu lawmawm a tih thu sawiin, mipui vantlang tan bungraw man tlawm zawk leh tha tak takte an chhawpchhuah sak zel a beisei thu a sawi bawk.

He hunah hian Sainik School Principal Col. Soumyabrata Dhara chuan Home Minister hi lawmna thilpek a pe a, zirlaite'n hnam zai leh lam hmuhnawm tak an entir bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »