Kumin-a Green Mizoram Day hman dan tur ngaihtuah

Zonuna Kawlni /

Tun thla ni 11 khian ‘Green Mizoram Day’ chu hman leh a ni dawn a, Serchhip-ah chuan Kikawn leh Keitum inkarah thingtiak phun beihpui thlak leh a ni ang.
    Serchhip-a Green Mizoram Day hman dan tur ngaihtuah hian nimin khan Ser-chhip-ah District Level Committee on Green Mizoram chu an Chairman leh District Bawrhsap Paul L. Khuma hovin DC Meeting Hall-ah an thukhawm a, kumin-a Green Mizoram Day-ah hian ‘Thing hi rangkachak anga hlu, Nunna tinreng bul a ni’ tih chu thupui atan hman a ni dawn a, Serchhip-ah chuan Green Mizoram Day Inaugural Function chu June 11, 2026-ah DC Pisapui Hall-ah neih tur niin hemi ni hian thingtiak phun nghal tura rel a ni a. Thing tiak te chu Kikawn leh Keitum inkarah phunin, heng thingphun te hi Sawrkar Department hrang hrangten in chan semin, a phun leh enkawlah pawh mawh an phur dawn a. He hunah hian kum danga tih thin angin, Serchhip District chhunga kangmei ven kawnga hma la tha khua thlanchhuahte hnenah lawmman pek nghal tura rel a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »