Nimin khan New Delhi-a International Institute of Democracy and Election Management (IIIDEM)-ah ni khat awh ‘Election Commision of India (ECI) Media & Communication Conference’ neih niin Mizoram atangin Joint CEO, Ethel Rothangpuii hovin Mizoram State leh District Media Nodal Officers te an tel a. Serchhip atang pawhin DIPRO leh District Media Nodal Officers R. Vanneihtluanga telin State Media Nodal Officer Lalnunmawii leh State Social Media Nodal Officer F. Lalnisai ten an ho a ni. He hunah hian Special Intensive Revision (SIR) chu India ram State 16 leh UT 3-ah kalpui mek a nih thu tarlan niin Enumeration Phase a awm mek State te zingah Mizoram chuan Digitisation-ah hma hruaiin 68.05% zawh tawh a ni a. Anmahni hnaih bertu Manipur chuan 27.11% zo tawhin pathumna Odisha chuan 17.58% an zo tawh tih tarlan a ni.
