Thli vanga In chhia YMA ten sak that hna an zofel

Serchhip Vengchung Branch YMA ten an huamchhunga chenna In pakhat sak that hna an thawh chu zofel thawkhatin Vawiin lam hi chuan luahluh theih beisei a ni.
Tun thla tir lama ruah leh thli thawk in Serchhip Vengchung-a chenna In a tihchhiat sak, C. Biakchungnunga te hi an dinhmun harsat avanga chenna In sa leh mai thei lova an awm avangin Serchhip Vengchung Branch YMA te hian kar kalta Nilaini atang khan an In sak hna hi hnatlang in an thawk a, ni thum chhung hnatlang an neih hnuah Inrinni khan an In hi luah theihin peihfel sak an ni a, Vawiin lam hian Electric Wiring leh Tukverh darthlalang te vuah tur a ni ang.

Serchhip Vengchung Branch YMA-a hruaitute chuan he In sakna atan hian an huam-chhunga Vehbur an khawn bakah Bialtu MLA leeh Chief Minister Lalduhoma chuan Rs. 20,000 a pek thu sawiin, Serchhip Vengchung VC leh Presbyterian Serchhip Vengchung Kohhran te pawhin tanpuina sum an pek bakah chhung leh khat te atangin tanpuina engemaw zat an hmuh thu an sawi a. An In hi a ban RCC awmsa niin a bak zawng hi Assam Type hmangin hnatlang a sak a ni a, a ni khatna ah hian mi 140 vel thawkin a ni hnihna ah mi 60 vel leh a ni thumna ah mi 90 vel an thawkchhuak a ni.