MZU-a Registrar nihna Court in a hlih sak

Zonuna Kawlni /

Gauhati High Court, Aizawl Bench chuan Mizoram University (MZU)-a Registrar nilai Prof. Lalnundanga chu MZU Registrar a nihna a hlih sak.

MZU Registrar Prof. Lalnundanga hian a hna hi term khat (kum 5) a chelh hnuah November 19, 2024 atang khan a term hnihna a chelh leh a, he dinhmun a chelh zui leh danah hian thil fel tawk lo awm nia an ngaih avangin Registrar ni tura a candidate pui pahnih te chuan an khing a. Registrar khingtute hian December 13, 2024 khan an zualkona lehkha hi Gauhati Hight Court-ah hian an thehlut a, an thubuai hi engemaw chen ngaihtuah a nih hnuah niminpiah khan High Court Judge chuan thutlukna a siam a, MZU Registrar nilai chu a nihna a hlih sak ta a ni.

MZU atanga Registrar nihna an hlih sak tak Prof. Lalnundanga term hi April 30, 2024 khan a tawp a, MZU Vice Chancellor chuan May 1, 2024 atang khan a hna hi a thawk chhunzawm turin thuneihna a pe a ni.

MZU Registrar term kal mek atan hian mi 10 te chuan dilna an thehlut a, heng zinga 6 te chuan Interview an hmachhawn a, October 23, 2024 khan interview hi neih a ni. November 19, 2024 khan Regsitrar hian a term hnihna hi a chelh tan a, tuna amah khingtu te hian December 13, 2024 khan an lungawi lohna hi Court-ah hian an thlen a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »