Mizoram Road Fund Board thukhawm neih a ni

Zonuna Kawlni /

Mizoram Road Fund Board chu nimin khan an Chairman leh PWD Minister Vanlalhlana hovin an thukhawm an hmalakna te an thlirlet bakah hmalak zel dan turte an sawiho.

    Secretariat Conference Hall-I a thutkhawm ah hian Mizoram Road Fund Board member sawrkar Department hotute leh NGO hrang hrang aiawhte telin, kum 2025-26 chhunga Mizoram Road Fund Board in kawng leh Lei siam hnathawhna tur a lo pawm tawh atanga hna thawh te thlirletna neiin, kum 2026-27 chhunga sum hmanna tur chu chhawpchhuah leh sawiho a ni bawk. Nitin kawng leh kawngpui enkawlna hna (Normal/Routine maintenance of roads), kawng siamna tur; Bituminous Pavement leh Cement/Concrete Construction, Side Drain, Retaining Wall, Cross Drainage leh thilttul dangte siamna tur (Annual Maintenance Operation Plan), PMGSY siam zawh tawh te enkawlzuina tur (Maintenance of completed PMGSY Roads), Lei thawmthat ngai zual te siamthatna tur (Maintenance of Bridges), Mizoram sawrkarin tha zawk leh felfai zawka kawngte enkawlna leh vilna tur (Road Assets Management System (RAMS), Fur ruahtuiin a thlen thin leimin leh Side Drain/Culvert block thenfaina tur (Moonsoon Damage Repair), kawng hmangtute himna tur leh chetsualna pumpelh theih nana hmalakna tur (Road Safety Measures) atana a chhawpchhuah cheng nuai 8325 chu pawm a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »