Mizoram-ah Union Textiles Minister a rawn zin

Zonuna Kawlni /

Union Textiles Minister Giriraj Singh chuan ni hnih cham turin niminpiah khan Aizawl a rawn thleng a, nimin khan Mizoram a chhuahsan leh a ni.

Mizoram-a rawn zin Union Textiles Minister Giriraj Singh hian niminpiah khan Lengpui Airport rawn thlengin Mizoram Chief Minister Lalduhoma leh Sericulture Minister Lalthansanga ten an lo hmuak a. Lengpui Airport Lounge-ah inkawmin, Textiles lama Mizoram hmasawnna tur thil pawimawh te an sawihi nghal a ni. Hemi hnu hian Union Minister hian Lok Bhavan pan nghalin Lok Bhavan Mini Conference Hall-ah Sericulture Minister Lalthansanga telpuina hnuaiah Sericulture Department, Cooperation Department, Agriculture & Farmers Welfare Department, Eastern Zone Weavers’ Service Centre leh Development Commissioner for Handlooms Office-a thuneitute nen Meeting an nei a ni.

He Meeting-ah hian Cooperation Commissioner & Secretary Udit Prakash Rai leh Sericulture Secretary Florence Zotluangpuii chuan ‘Mizoram's Sericulture Potential at a Glance’ tih thupui hmangin thu an sawi a. Tuna Mizoram Textile dinhmun leh kum 2047 thlenga an hmachhawp te power point hmangin an sawifiah a. Agriculture Joint Director R. Lalramhluni pawhin an Department hnuaia hmalakna hrang hrang leh hmachhawp te a hrilhfiah a. Development Commissioner for Handlooms Office leh Eastern Zone, Weavers’ Service Centre, Ministry of Textiles official te pawhin PPT hmangin an hmalakna hrang hrang leh an hmachhawp te an tarlang bawk.

Union Minister hian Pathianni vek khan Tlangnuam-a Zozia Silk & Handloom leh Kulikawn Veng-a Lapar te a hmunah a tlawh nghal a. Zozia hi Silk hmanga puantahtu lar niin Union Textiles Ministry hnuaia Development Commissioner for Handloom chuan National Merit Certificate te pawh an lo hlan tawh a ni. Union Minister hian Zozia-in a Cocoon an tharchhuah dan leh Silk an siam dan te a zawt a. Hlawk zawka Cocoon an tharchhuah dan tur te a sawipui bawk.

Kulikawn-a Lapar te pawh hian Silk hmangin Mizo puan an tah a, kawr design hrang hrang siam chhuakin, Mizoram mai ni lo, foreign thleng pawha dawrtu an hmuh thu an sawi a. Heng hmun te hi Union Textiles Minister Giriraj Singh chuan tlawhin, Central leh State Sawrkar hotuten an tawiawm a. An hmalakna te hmuhpuiin, thawktute nen inkawmna hun an hmang a ni.

Union Minister hian nimin khan hmun hrang hrang a tlawh leh a, tun tuma a rawn zinna ah hian Siva Kumar, Member Secretary, CSB, CMERTI, Vrunda Manohar Desai, Textile Commisioner, Ministry of Textiles; Dr. Karthik Neog, Director, CSB-CMERTI leh S. Bandyopadhyan, Director, Eastern Zone Weavers’ Service Centre ten an tawiawm a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »