Mi 47 te hnenah CM Special Package sem leh a ni
Serchhip DC Pisapui Hall-a he hun hman hi Serchhip SDO (Sadar) Rebecca Laldinmawii Hrahsel chuan kaihruaiin Bawrhsap leh District Level Monitoring Committee Chairman Paul L. Khuma chuan Progress Partners kalkhawmte chu hmasawnna duhawm tak neia, ‘Success Story’ tha tak tak neih tum theuh turin a fuih a. Department hotute pawh theihtawp chhuah tur leh an Progress Partners theuhte thahnem ngaihpui tura chahin duhsakna a hlan bawk.
He hunah hian DLMC Member Secretary leh SDO (Sadar) Rebecca Laldinmawii Hrahsel hnen atangin report ngaihthlak a ni a. Sub-Deputy Commissioner Chawngthu Lalrinhlua chuan Bana Kaih Phase-II chungchang a sawizau a; Concerned Departments hotuten thu an sawi bakah DIPR Serchhip lamin Serchhip District-a Bana Kaih hlawhtlinpuitu te Success Story an buatsaih chu thlirho a ni bawk a, he hunah hian mi 47 te hnenah Special CM Package tanpuina hi sem a ni.
Tun dinhmunah Serchhip District hi Mizoram a Progress Partners ngah ber dawttu niin, Aizawl District dawttu an ni mek a. Phase-I ah Progress Partners 135 neiin Phase-II ah hian mi 49 an awm a. Commerce & Industry Department hnuaiah mi 29 awmin an tam ber a, Agriculture Department hnuaiah mi 12, Fisheries Department hnuaiah mi 3, Animal Husbandry & Veterinary Department hnuaiah mi 2 awmin, Soil & Water Conservation Department, Urban Development & Poverty Alleviation (UD&PA) Department leh Social Welfare Department hnuaiahte mi pakhat theuh an awm a; Direct Benefit Transfer system hmangin CM Special Package Grant hi an Bank Account-ah thunsak an ni.
Comments
Post a Comment
I ngaihdan i sawi hian mipui ngaihdan i tarlang a ni!