Edn. Minister in hmanpui

Zonuna Kawlni /

Education Minster Dr. Vanlalthlana chuan Rotary Club of Aizawl hmalaknaa 'Saksham e-Learning Kit' sem chhuahna hun buatsaih chu nimin khan khuallian niin a hmanpui. Rotary Club of Aizawl chuan Rotary Club of Pune Far East leh Suttatti Enterprises Ltd-te nen tangkawpa hma an lakna, Corporate Social Responsibility (CSR) hnuaia zirna tihhmasawnna hmanrua ‘Saksham e-Learning Project’ semna hun nimin khan Aijal Club-a McCabe Hall-ah an hmang a, he hunah hian School 10 hnenah hlan niin Dr. Vanlalthlana chuan tunlai thiamna thar hmanga zirna changtlung leh tha zawk chhawpchhuah a nih theih nana hmalakna a awm chu lawmawm a tih thu a sawi a, Zirtirtu leh hmanrua indaih-lohna School te tan a tangkai zual a rin thu a sawi bawk. Saksham Unit tinah hian pawl 1 atanga pawl 10 zirlai huam tel Software nena thlunzawm Inches 43-a lian Smart TV pakhat a awm a. He project hi a mamawh dan anga tihhmasawn zel theih a nih avangin zirna sang zawk thlengin a chhawm chhoh zel theih dawn a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »